"Вы пребываете в окне продолжительностыо 25 лет (1987-2012), когда человечество находится на испытательной площадке, выбирая вероятный путь в великой Книге Земли".
Барбара Марсияк, "Семья Света"
Бүгенге көндә безнең дөньябызда гаҗәеп үзгәрешләр бара. һәркем күреп тора — замана артык катлауланды, аны аңлау елдан-ел кыенлаша. Күбебез киләчәктә нинди зур вакыйгалар, тетрәнүләр булачагын күңеле белән сизеп яши. Тормышыбыздагы барлык каршылыклар, яшерен барган процесслар кинәт өскә калкып чыкты, гүя алар , тиз арада чын йөзләрен ачып, юкка чыгарга тиешлесен көрәш утында яндырып, чистарынып калып, ниндидер яңа баскычка күтәрелергә ашкына. Бүгенге көндә һәркем эчтән генә: "Дөнья гайре табигый юлга кереп китте, болай озак бара алмас",-дип, хафалы уйларга бирелә, замананың асылын аңлый алмаудан гаҗиз булып яши. Җитмәсә, без хөрмәт иткән фән дә, авызына су капкандай, берни әйтә алмый. Хәер, ул да бит адәми затның акыл җимеше — үзеннән биегрәк сикерә алмыйдыр, күрәсең. Кешенең рухи
мөмкинлекләре дә әлегә үткәнне, бүгенгене, киләчәкне бербөтен итеп карау, аннан сабак алу дәрәҗәсендә түгел. Шуңа күрә алга, маңгаңны бәрә-бәрә, капшанып атларга туры килә.
Алгы бит
