Тәрҗемәче һәм оригиналь әсәрләр авторы Рәшит Гарифҗан улы Ахунов 1953 елның 24 октябрендә Казан шәһәрендә язучы Гариф Ахунов гаиләсендә туган. Бала чагы Татарстанның Әлмәт шәһәрендә уза, шунда гомуми белем мәктәбенең сигез классын, шулай ук башлангыч музыка һәм рәсем сәнгате мәктәпләрен тәмамлый. 1968 елда гаиләләре белән Казанга кире кайткач, башта урта мәктәптә, аннары 1971—1976 елларда В. И. Ульянов-Ленин исемендәге Казан дәүләт университетының тарих-филология факультетында белем ала. Университетта уку чорында Р. Ахунов әдәби тәрҗемә теориясен үзләштерә һәм бу өлкәдәге практик эшчәнлеген башлап җибәрә: 1974 елны аның тәрҗемәсендә Гөлшаһидәнең «Минем кала алуым» («Я и город белокаменный») исемле кечкенә повесте «Волга» журналында рус телендә басылып чыга.

Р. Ахунов —татар язучыларының проза әсәрләрен русчага тәрҗемә итүдә актив эшләүче яшь иҗат көчләреннән берсе. Аның уңышлы тәрҗемәләреннән Г. Ахуновның «Хәзинә» («Клад», 1976) романы белән «Ардуан батыр» (1976) «Чикләвек төше» («Ядро ореха», 1982), М. Мәһдиевнең «Без — кырык беренче ел балалары» («Мы —дети сорок первого года», 1981) повестьларын, татар әдәбияты классигы Шәриф Камалның новеллаларын һәм Шәйхи Маннурның күләмле «Муса» романын (В. Шульжик белән уртак тәрҗемә, 1983) күрсәтеп үтәргә мөмкин. Бу тәрҗемәләр Казан һәм Мәскәү нәшриятларында басылып чыгып, укучылар һәм әдәби җәмәгатьчелек тарафыннан яратып каршы алынды.

Р. Ахунов оригиналь әсәрләр дә яза. 1981—1983 еллар арасында ул, каләмдәше Виктор Кузнецов белән бергә, «Иртә кичтән хәерлерәк», «Камыр батыр», «Дөньяга караш» исемле Љч пьеса һәм «Ут эчендә» исемле бер повесть тәмамлады.

Р. Ахунов—1980 елдан СССР Язучылар союзы члены.

БИБЛИОГРАФИЯ

Ахунов Г. Клад: Роман/Авториз. пер. с татар. Р. Ахунова.—М.: Современник, 1976.—463 с. 50000.—Кроме заглав.: «Ардуан-батыр»: Рец.: Валеев Д. Размышления вокруг перевода.—Комсомолец Татарии, 1977, 8 июня.

Ахунов Г. Клад: Роман/Пер, с татар. Р. Ахунова.—М.: Сов. Россия, 1978.—302 с. 50000.

Магдеев М. Мы —дети сорок первого года: Повесть/Пер. Р. Ахунова—М.: Дет. лит., 1981.—143 с., ил. 100000. Рец.: Авдеев А. С доброй улыбкой.—Сов. Татария, 1982, 28 февр.

Ахунов Г Ядро ореха: Роман. Повести/Пер, с татар. Р. Ахунова.— М.: Известия, 1982.—510 с., ил. 240000. Рец.: Юрьев Н. Ядро таланта.—Новый мир, 1983, № 9, с. 249—251.

Маннур Ш. Муса: Роман/Пер, с татар. В. Шульжика, Р. Ахунова. Под ред. Е. Корнеевой.— М.: Современник, 1983.—319 с. 50000.

©"Совет Татарстаны язучылары" китабыннан файдаланылды (Даутов Р.Н., Нуруллина Н.Б. Совет Татарстаны язучылары. – Казан, Татарстан китап нәшрияты, 1986)