Башка проектлар
Безнең дуслар
Әдипләр чаты
Безнең рейтинг
|
|
Мөслим районы Иске Карамалы авылында яшәп иҗат итүче Мәүлидә Нәкыйп кызы (Исмагилова) Арсланова 1955 нче елның 23 апрелендә Кемерово өлкәсе Осинники шәһәрендә шахтер гаиләсендә туган. Урта белемне Мөслим районы Симәк урта мәктәбендә алган. Аннары тагын, туып-үскән шәһәренә китеп, төзүче һөнәрен үзләштергән һәм 1989 елга кадәр һөнәре буенча эшләгән. Иске Карамалыда төпләнеп яши башлаганчы, 1996 елга кадәр, Башкортостанның Салават шәһәрендә трамвай йөртә. Хәзерге көндә Мәүлидә Арсланова ире Инсаф һәм улы Ленар белән Иске Карамалыда яши. Районда чыгучы «Авыл утлары» газетасы белән актив хәбәрләшә. Мәүлидә Арсланова - кечкенәдән җырга-моңга гашыйк шәхес. Авыл сәхнәләрен генә түгел, район сәхнәләрен дә тоткан бу нечкә күңелле, олы җанлы хатын-кыз тиз арада халык мәхәббәтен, тамашачылар хөрмәтен яулап алды. 2008 елда аңа район мәдәният бүлегенең "Иң яхшы хатын-кыз ролен башкаручы" исеме белән диплом бирелде. 2010 елда авторның Мөслим типографиясендә «Яшәү яме», 2011 елда "Бәхетле мизгел" исемле китаплары басылып чыкты.
|
Алгы бит