БАШ ИЯМ АЛЛАРЫҢДА

МӘХӘББӘТ - ХӘЕР ТҮГЕЛ

Бу -
мәңге тере хакыйкать,
сер түгел,
сәер түгел:
мәхәббәт сорап алынмы
мәхәббәт -
хәер түгел.
Асыл мал түгел,
алырга
алтын тәңкәләр туләп,
ул -
табигатьтән бирелгән
тиңе юк затлы бүләк!
Ул -
зар-интизарлар булып
көтеп алынган кунак;
кунак килеш тә
кол итәр
кодрәтле хаким сымак...

Мәхәббәт -
сагыш чишмәсе, 
өметнен, сүле, 
түле;
бар дөньяңны оныттырган 
илаһи ләззәт күле... 
Җанкаеннан тынгы качса, 
бәндәсе зарланмасын: 
мәхәббәт -
бер үк вакытта 
мең газап шарламасы, 
җан ярасы, 
яшәү дәрте, 
язмышньщ серле кәрте...

...Тик
аны
гомерендә
бер
татырга тиеш һәркем!

БАШ ИЯМ АЛЛАРЫҢДА

Чулпаным булып калыктың Син 
гомерем таңнарында: 
Гүзәллек белән очраштым -
баш иям алларьщда!

Былбыллар булып тибрәндең 
күңелем талларында: 
Мәхәббәт белән очраштым -
баш иям алларыңда!
Сөенсәм дә, көенсәм дә, 
Син булдың яннарымда: 
Тугрылык белән очраштым -
баш иям алларьщда!

ЙӨРӘГЕМ ЯРАЛАРЫ

Укталдым илләрендә, 
кагылдым иңнәрендә; 
ни булса шул булыр диеп, 
кул салдым билләреңә...

Нур ягып йөзләремә, 
карадым күзләреңә; 
зарыктым интизар булып 
бер авыз сүзләреңә...

Тападың эзләремне, 
тайдырдың, тезләремне;
ишеттем боздан да салкын 
"Юк" дигән сүзләреңне...
Гомерем аралары -
йөрәгем яралары... 
...Әрни-сызлый бәгыремнең
син уйган яралары...