Чәчләремне үреп куйыйм әле, 
Авыл кызы булып карыйм әле. 
Кулларыма чиләкләрем тотып 
Җырлый-җырлый суга барыйм әле.

Чынлап авыл кызы булсам иде, 
Җиләк җыеп йөрсәм иде, 
Авылдагы каеннарым кебек 
Иркә сылу булып үссәм иде.

Авылымның кырларына барып 
Зәңгәр күккә карап йөрер идем. 
Төрле-төрле чәчәкләрен җыеп 
Матур тәкыяларүрер идем.

Авылымның, йомшак җилен кочып, 
Коесының салкын суын эчеп, 
Сандугачтай моңсу җырлар сузып 
Йөрер идем авыл кызы булып.