| |
АБУШАЕВ Хөсәен Йосыф улы (псевд. — Абушаев-Атлаши) (19.1.1892, хәзерге Ульянов өлкәсе, Иске Кулаткы р-ны Иске Атлаш а. — 1961 елдан соң, Казакъстан ССР), шагыйрь. "Хөсәения" мәдрәсәсендә белем ала. 1916 елдан башлап соңгы көннәренә кадәр Казакъстанда укытучы булып эшли. Шигырьләре 1909-15 тә "Идел", "Вакыт" газеталарында, "Шура", "Чүкеч" ж-лларында басыла. Аерым шигырьләре "Яңа әдәбият" хрестоматиясенә (1914, төзүчеләре Г.Ибраһимов, Г.Баттал) кертелә. "Алтыннарым" (1915) җыентыгына 22 шигыре керә. Шигырьләрендә тормыштан зарлану мотивлары, моңсу кичерешләр чагылыш таба. Татар халкы арасында мәгърифәт тарату зарурлыгы турында яза. Тукайга багышланган шигырьләре бар. Хезмәт Кызыл Байрагы ордены б-н бүләкләнә.
Әд.: Рәми 3. XX гасыр башы татар шигърияте // Мирас. 1998.КЗ.
З.З.Рәмиев.
Tатар энциклопедиясе
|
Алгы бит
